Minto FM: Chibunge chie chi-county nchibwenerete chitware obosibore buna chiria chiense – Denis Ombachi – MCA Marani Ward

Omo-MCA bwe E-ward ya Marani oywo boigo ore omonyakerogo ase ekomiti ye e-budget ime ye ecounty ya Kisii omosike Dennis Ombachi otebire buna nigo chibunge chie chi-county chigwenerete kobekerwa e-budget yabo ensemo yo ogoikerania obokoreri bwabo naboigo goakana emeshahara yabo na tari koganyerera ebitoki korwa ase chi-county.

Omosike Ombachi, nigo atebire buna eywo nero enchera ya beene yo okoenekia buna aba-MCA tibari gotwara bwoba bonde bwensi ekero bagoikeraania egetari kiabo gio okoenekia buna abagavana batumekire buya chibesa chia abananchi.

Boigo, nigo omosike Ombachi aboriirie buna aba-MCA baegwe asilimia emerongo ebere ase emia ye chibesa chigotomwa gochia ase chi-county erio koenekia buna baikeranirie amagenderero ye engencho gochia ase abananchi.

Ombachi nigo ayakwana aywo ime ya Minto FM ase omoroberio o’ Minto Bwakire ekero asanga no omoraria Wycliffe Nyabuto Riang’a.


Leave a Reply

Your email address will not be published. Required fields are marked *