Minto FM: Tobwaterane ase esegi mamincha ya #Covid19 – PS Susan Mochache

Omoriki o’ botambe ase ewizara yo obochenu omosubati Susan Mochache, nigo aboririe abanyagitari koerusanaania korwa aase omogiro bwo okobwatoka obokoreri bwabo na gokwana egetambokero ekio koba ekebe anene chingaki echi chia COVID-19. Gokwana na Minto FM ase omoroberio o’ Minto Bwakire na Wycliffe Riang’a, Mochache nigo atebire eserekari nigo y’ erwete ase okoenekia okoba buya kwa abanyagitari anene chingaki bagoikerania emeremo yabo ya botambe.

Mochache nigo boigo atogirie chiserekari chie chi-county korwa ime ye riroba ria Gusii ase okobeka omokia ase ogokinia obokoreri bwo obochenu na goteba buna nigo arachie koenekia buna ecounty ya Kisii yenyoreire e-machine y’ okorenga oborwaire bwa COVID-19.


Leave a Reply

Your email address will not be published. Required fields are marked *