Pokot Service: 08:00am News 3rd June, 2020

Nyi ku KBC Kisumu – Kuti Pokot 100.9 FM – Kaluku asiis ye satin chole 3 tokwogyo terekin nyopo 3 arawa po Melwon konyinete po nyunguny cho le odeny nko tomto odeny (2020)
Poroiyin nyopo lokoy, omunyi ani, Jacob Daimoi

CORONAVIRUS / VULNERABLES
Komou ompo kuto lo kosisiot tya piich cho konam somewonu po coronavirus cho namat somewut cho melo kinoomchini kegh lata somewo mukulow, sukarin akulo somewut cho po takat. Ompo kuto nyo kegh ghomcho nyopo Stepwise nyo po Kenya ompo somewut cho melo kinomchini kegh kamwou lo nyomoy tya somewononi po coronavirus poy cho ngata konyis 60 kutoch le atokosowuno piich cho kenyam somewononi ompo kiyitoto piich cho kenyam somewononi kungetuno mnistri nyo po tililin. Komwa ghomchononi po Stepwise lo kween pich lotiich cho kosisiote nko cho kimeghyo kirupuna somewutchoni melo kinomchini kegh. Keruru ghomchononi, keyaang poyichona ompo sarara nyo po lawel tokumu chane kugyionkto akuringta lawel somewononi po Covid 19. Kakulo ngoru piich osiswochete cho chiriote cho petoy skutali ompo kiwat nyo po samtagh po someowononi po coronavirus cho ghonoy lo namat piich chomi kesororoy skutaltin.

LIKONI FOOTBRIDGE
Kutekoy taraja nyopo kelyion nyo oghyiot ara pogh nyopo Likoni, Mombasa nyo chengoy ropiyeen chole billion 1.5 kutoro arawa po Melwon akewanta ompo arawa po kokellian konyinete, Yiongchini teksyio noni wop nyopo soch nyo po kor, kuwer ghomcho nyopo ortun, KeNHA. Komwou choni ripintogh po County commissiona nyo po Likoni Apa, Francis Kazungu nyo katas lo karupta teksyio noni samtagh po somewo coronavirus, Covid 19. Komwa nyite lo lukuy koghin taranono pokelyion, miteen cho le 529. Komwa nyinte choni ompo opis po kirwokin nyopo Shika Adabu ompo tokopostoy omisyo kuyegh monguu chopo atoni. Katas Apa, Kazungu lo ngorochoy tarajanoni kuporoy toriogh po piich cho oghyyiot anaam ompo Likoni.

 


Leave a Reply

Your email address will not be published. Required fields are marked *