Pokot Service – News 9am 2nd May, 2020

Nyi ku KBC Kisumu – Kuti Pokot 100.9 FM – Kaluku asiis ye satin chole 3 tokwogyo

Poroiyin nyopo lokoy – Lokoye tagh ompo tonghoghyo omunyi ani Jacob Daimoi

KENYATTA / ECONOMY

Komwa omotu Poitogghin Uhuru Kenyatta lo, poroiyin nyete nyopo Kenya kongopu ighsyeut cho relach chopo komonut nko siasa tokomu koronete kulet tagh nyo karam. Komwa nyite lo kikurel koronete konyis cho siroy konam 50, akwompo Bibilia, mwogoy lo rokonoy kuwokisyo ighsyeut ompo konyis choni. Komwa chete Poitoghinto kor ompo kopo Ikulu, Nairobi ompo tokentoghoghta nyinte sapkaa nyopo asiispa Madaraka nyo po 57.  Ompo ngala siasa kongwurur Poitoghin ompo siaseni Kenya cho moghutot nye akuyiokyi pipo Kenya kumoto kuway waghakut chopo ngala siasa ompo koronte ompowolo motingetoy nye kinyiwut ompo yee nko yaa tete.

Kuyiokyi Ripintogh po poitoghin, Apa William Ruto kenaam ew ighsyeut cho kotowu soch kupepeek samtagh nyopo somewo Covid 19. Kotokeghoy sapkaa Madaraka nyo po konyinete Conty nyopo Kisii wolo krupta kegh nko karaa nyo po pestagh mokumuka nye, nka nyoni kakigha Nairobi

OPARANYA

Keyiokyi chipongachar nyo po ghomchoo Gavanen nyole tikwil Gavena nyopo Kakamega Apa, Wycliffe Oparanya soch chopo countin kunaam ew soch chopo kor ompo kuporiegho samtagh po somewo Covid 19. Komwa nyite choni ompo sapkaa asiispa Madaraka nyopo 57 nyo kakigha kopo kor, Nairobi. Keyiokyi Oparanya soro nyo wow soch nyo kengarach ighsyeut chop o tililin kuporiegho samtagh po somewo corona ompo koronete. Katas nyinte lo kopoosu soch chopo countin ropiyen cho le billion 6.1 kutang kaplawach nyopo lawel nyoo Covid 19.

JUBILEE

Litonote cheycheyon ripaan chopo Jubilee cho le mpungen chopo punge krupta kegh kokwo nyopo ghomnyion po punge nyo kighoy ompo tokwogho nete ompo kopo kor Nairobi. Toroy kokwonete satin chole somok tokwogho atolapay krupta nyu kokwo nyopo punge nyo kighoy soyante mnoon. Keyiokyi mjumpion nyo namaate Apa, David Sonkok mjumpeen kuter kurot kungetuno kintoghoghinto chama , Poitoghin Uhuru Kenyatta ompo kupechu chane kokwononi. Komwa nyinte chete ompo atokanglana Ewaso Ngiro lo poroiyin nyoni nyopo mjumbeen kungalanta ngalakwa. Kikigh ompo atoleekit kokwo po Senate nyo ikighwoghokut chopo kintoghoghukokwa.

LIKONI FOOTBRIDGE

Kutekoy taraja nyopo kelyion nyo oghyiot ara pogh nyopo Likoni, Mombasa nyo chengoy ropiyeen chole billion 1.5 kutoro arawa po Melwon akewanta ompo arawa kokellian konyinete, Yiongchini teksyio noni wop nyopo soch po kor kuwer ghomcho nyopo ortun, KeNHA. Komwou chete ripintogh po County commissiona po Likoni Apa, Francis Kazungu nyo katas lo karupta teksyio noni samtagh po somewo corona, Covid 19. Komwa nyite lo lukuy koghin taranono po kelyion nyopo miteen cho le 529. Komwagha nyinte choni ompo opis po kirwokin nyopo Shika Adabu ompo tokopostoy omisyo kuyegh monguu chopo atoni. Katas Apa Kazungu lo ngorochoy tarajanoni kuporoy toriogh po piich cho oghyyiot Likoni.                    


Leave a Reply

Your email address will not be published. Required fields are marked *